Вечер памяти , посвященный удмуртской поэтессе .

Людмила Кутяновалы сӥзем внеклассной ужрад

8-11кл

«Йырдэ кур эн кары ,даур…»

Пуктэм азьмугъёс: Л.Кутяновалэн улон но ужан сюресэныз мургес тодматоно,сцена вылын

астэ зечгес возьыны быгатонъёссэс азинтоно; кыл устолык пыр шаердэ , вордскем кылдэ

яратон , чеберлыкез дунъян мылкыд пыӵатоно.

Тирлык: компьютер, проектор, Л.Кутяновалэн книгаосыныз выставка, кылбурчилэн

туспуктэмез, кык гвоздика но сюсьтыл.

Ужрадлэн мынэмез:

«Тон-а со?» кырзан чузъяскемъя сцена вылэ пото кык нуисьёс ( ныл но пи). Ӝуато ӝӧк

вылысь свечаез.

1-тӥ нуись. Ӟечбуресь, гажано эшъёс! Асьмеос туннэ люкаським дано удмурт кылбурчи ,

Людмила Дмитриевна Кутянова (Айтугановаез) буре вайыны.(СЛАЙД№1 Л. Кутяновалэн

туспуктэмез)

2-тӥ нуись . Людмила Кутяновалы 65 арес тырмысал .Секыт висён кема улыны ӧз лэзьы

югыт дунне вылын.Но калык уз вунэты сюлме пырись кылбуръссэ но кырзанъёссэ.

1тӥ нуись (СЛАЙД №2 Новая Вамья гурт) Людмила Кутянова (Айтуганова ) вордке 1953 –

ти арын 16 –ти шуркынмонэ Ува ёросысь Выль Вамья гуртын. Атаез – Дмитрий Иванович ,

Колхозын механизатор котьку азьмынӥсьес пӧлын ветлэм.Зарни киё воргорон.Анаез-

Римма Кузьмовна , школаысь дышетӥсьлэн Кузьма Архипович Евстафьевлэн нылыз.

Людмила Кутянова анаез сярысь тазьы шуэ: «Анае туж провор вал , туннэ быдэстоно ужзэ

ӵуказелы кельтытэк тыршылӥз, нылпиосызлы но сыӵе сям пыӵатыны выриз.Сизьым кузя

пичи нылпиосын кыльыса но (атае кулыкы бадӟымезлы 17 арес вал, нош пичиезлы- 2

арес), анае ӧз чигиськы, ваньмес пыд йыламы султытӥз.Бӧрдэмзэ ӧй адӟылы, малпасько ,

анаелэн пуш кужымез туж бадӟым вал.

2-тӥ нуись.Нырысети классэ Людмила Кутянова мынэ ас гуртаз ик .Дышетиз сое

Александра Андреевна Соловьёва. Витетӥ классысен дастӥ классозь Нылга школаын

дышетске.

1 тӥ нуись . Удмурт кылбуретлы синмаськонэз кутске Николай Байтеряковлэн «Шур ву

сямен» бичетэз бордысен.

2-тӥ нуись . 1971-ти арын Людмила Кутянова Ижевке УдГУ удмурт кылъя но литературая

ёзэтаз дышетскыны пыре.Татын дышетскыкуз вордско нырысетӥ кылбуръёсыз.

Видео «Улэм потэ» кылбурез лыдӟе Вероника Ваулина

1 тӥ нуись (Слайд №3 Л.Кутяновалэн улон но ужан сюресэз) Университетэз

йылпумъямез бере Людмила Дмитриевна берытске ас вордскем палъёсаз - Ува

ёросаз.Ужа дышетӥсь луыса Выль Мултан но Петропавлово шор ёзо школаосын. Нош али

кылзоме дышетӥсьлэн ужезлы сӥзем кылбурзэ.

Лыдӟись. «Кизили учке укно шорад»

2 тӥ нуись. Вуж Мултан шор ёзо школаын ар ужам бераз семья кылдытэ .Пизы вордӥськем

бере Ижкаре улыны интыясько .Отысь сюлэмызъя уж шедьэ- Удмурт научно-

исследовательской институтэ , удмурт литературая но фольклоръя ёзэтаз.Заочно

дышетскиз Москваысь Дунне литературая институтлэн аспирантураяз.

1 тӥ нуись.Лыдзись доры вуизы Людмила Кутяновалэн ньыль кылбур бичетъёсыз:

«Чагыресь пилемъёс»(1980), «Ваче син» ( 1986), «Со аръёс»( 1991), «Тон-а

со?»(2010).Автор кылбуретаз портэм темаосты усьтэ, ваньмыз соос полэстисько яратонлы

сизем чуръёс борды.Соин ик ум янгышалэ, шуимы ке: валтись темаез- кышномуртлэн

бадзым, чылкыт но портэм шуг-секытъёс пырти потись яратонэз.

2-тӥ нуись.(СЛАЙД №4 1- ти бичет) Нырысетӥ бичетаз тужгес но быгатыса возьматэмын

кышномурт но пиосмурт кусыпъёс.Со кусыпъёс зэмос улонын сямен ик огшорыесь но

капчиесь ӧвӧл.

Лыдӟись . « Алдалоз шуо»

1-тӥ нуись.Людмила Кутяновалэн тросэз кылбуръёсыз пӧрмемын кырӟанлы.Нош али

чузъяськоз «Уд адзиськы» кырӟанэз. Кырӟалоз 11 кл дышетскись.

2-тӥ нуись (СЛАЙД№5 2- ти бичет) Яратон темаез Людмила Кутянова азьланьтэ «Ваче син»

бичетаз.Но таяз учыре та тема лыдӟисьёслы мукет палыныз берыктӥське:лирической

героинялэн яратонэз азьло герӟаськемын ке вал гажанэзлэн мылкыдъёсыныз, таяз

бичетын яратонэз ыштон яке шедьтон ӵемгес валчеясько героинялэн аслаз сямъёсыныз,

ужъёсыныз.

Лыдӟись.

«Мон шедьто чебересь кылъёс»

Лыдӟись. Таиз кылбур сӥземын пиезлы.

«Зарни бугоре»

Зарни синмо зарни бугоре

Куаразэ сетэ, воргоронъяське.

Чалмыт улосам, малпаськон юртам

Шулдыртэ монэ, ӵук шунды сямен.

Ой, тон, шаянчи, шортчи, шуэрчи,

Тонтэк улонэ луысал- а капчи?

Семьямы пичи, нош тон ӟеч крезьчи,

Мышкам учкыны дыр ӧвӧл ни чик.

Кеськыса дорад ӧтиськод монэ,

Кеськем куараед шунтэ сюлэмме.

Ой, тон , чебере, зарни бугоре,

Веттаса будӥсь дуно шудбуре.

Кырӟан «Зорые» Кырӟало 10-тӥ классысь нылъёс.

1-тӥ нуись.(СЛАЙД №6 3 -тӥ бичет) Куинети бичетэз «Со аръёс» .Азьвыл потэм

бичетъёсыз сямен ик , татын но валтись темаез луэ яратон.Нош таиз яратон –

эрико.лирической героиня уг кышка ни гажанэзлэн куштэмезлэсь, уг кайгыры солэн лек

кылъёсыз понна, ассэ ачиз ултияса уг возьы.

Лыдӟись «Кошкы ӝоггес»

1-тӥ нуись. Али учкоме сценка , кызьы Галина Романова Людмила Кутяновалэсь интервью

басьтэ.

Галина Романова : Ӟечбур , Люда.

Людмила Кутянова: Ӟечбур , Галя. Тон кытысь сюрес шедьтӥд ай ?

Галина Романова: Кемалась лыктэме потэ ни вал. Газета лыдзисьёслэн но тодэмзы потэ

тросгес тон сярысь.

Галина Романова: Ас кылыныд гожъяськон, мон сямен со кыллэсь чеберзэ шӧдон, сое

яратон.Асьмелы со анай йолынымы пыӵамын.Мынам котьку но сюлмы вӧсь луэ, куке сыӵе

чебер, вань малпанэз, мылкыдэз усьтыны луоно кылмес улӥгес каро.

.Людмила Кутянова : Таӵе кылбур гожтӥ вал:

«Удмурт кыл»

Кин шуиз удмурт кыл , пе, начар,

Малпанэз но уг лу чебергес вераны,

Лек дыръя кеськыны но уг лу, пе, чар-чар,

Кылдэмын ,пе, со кыл лусйытэк кораны.

Калыке уно пол тынэсьтыд визьмогес,

Ас кылын шаерзэ данъяса кырзакуз,

Егит ныл но эшшо адӟиське мусогес,

Вордӥськем кылыныз гажамзэ веракуз.

Удмурт пи но ожын , фашистэз уллякуз,

Йыркурзэ лек удмурт кылъёсын , дыр , кисьтӥз.

Вордӥськем шаерзэ тушмонлэсь утьыкуз,

«Ой, нэнэ!» шуыса , танк улэ со выдӥз.

Та кылбур гожтэмын удмурт кылмылэн кулэлыкез сярысь трос малпаськеме бере.Зэмзэ

но , асьмелэн лул- пушкамы анай кылмы пичиысен улэ.Соку сое дунъяны ум валаське на

ай.Мынам нош озьы луиз: ньыль класс бере удмурт кылэз но литератураез ой

дышеты.Нылга школаын 60-тӥ аръёсы та предметъёс быдтэмын вал.Удмурт кылбурез

яратонэ Николай Байтеряковлэн гожъямъсыз бордысь вордӥськиз. Солэн кылбуръёсыз

малпамтэ шорысь киям ӧй сюрысалзы ке. Кин тодэ, оло , мон ноку но кылбуръёс ӧй

гожъясал.

Галина Романова :Ӟуч школаын дышетскид бере, оло, ӟуч кылын гожъясалыд ?

Людмила Кутянова : Мынам со анай кылы ӧвӧл ук. Дуннелэсь вань чеберзэ, узырлыксэ

мукет кылын вераны ӧй быгатысал кадь потӥсько.Соос кылбурлы кельшысалзы ,но косэсь ,

огшорыесь луысалзы, дыр, лыдӟисьлэн сюлмаз ӧй пыӵасалзы.

Галина Романова :Кылбур, верос сяна мар борды сюлмыд кыске на ?

Людмила Кутянова : Пужъятскисько, чильпаськисько, керттӥськисько.

Галина Романова-Лызисьёслы семьяед сярысь но тодытэм потэ вылэм.

Людмила Кутянова: Кузпалы сюрес тупато-лэсьтон вылын ужа, пие экономистлэсь

профессизэ басьтӥз, нош кенэ- врач. Ваньмы туж пӧртэмесь ке но, куспамы тупаса

улӥськом.

Галина Романова :Асьмеос одӥг возь вылтӥ бызьылӥм, одӥг шурын пылаським, одӥг

музъемысь кужым басьтӥм.Аръёс ортчизы, но мыным тон азьвыл кадь ик егит, мылкыдын

кужмо потӥськод. Оскисько, визь песьтэрад но калыклы кылан-буран-веран кылъёсыд

трос на. Туж бадзым тау. Ӟеч лу.

Людмила Кутянова: Ӟеч лу.

Кырзан «Чебере мынам» Кырӟа 9 тӥ кл дышетскись.

1-тӥ нуись Людмила Кутяновалэсь берло вакытэ гожтэм кылбуръёссэ лыдӟыса, син шоры

пуксе малпаськись, ортчемзэ тодаз вайыны тыршись кышномурт. Со мозме егит

дырызлэсь , яратонэзлэсь.

Лыдӟись « Малы озьы?»

1 тӥ нуись : Нимаз висъяны луэ инкуазь суредъёсты бичетъёсысьтыз кылбурчилэсь.

Людмила кутянова инкуазь кусыпъёсты адями кусыпъёслы матэктытэ.Инкуазь пыр автор

мургес возьматыны быгатэм лирической героиняезлэсь пуш дуннезэ.

Лыдӟись:

Сӥзьыл тӧл

2-тӥ нуись .Людмила Кутянова озьы ик ужа удмурт кылбуретэз эскерон бордын.Солэн кык

монографиосыз потӥзы.Ужаз «Кенеш» журналын критик луыса, огдыре тыршиз «Вордскем

кыл» журналын.

1-тӥ нуись .Людмила Дмитриевна ассэ усьтӥськымтэ чашъёнсяськаен ӵошатэ.Со шуэ: «

Кытиӥгинэ ой лёгаськы-вамышъя, мар ой лэсьты, ваньмыз кыӵе ке йылпумъямтэ кадь потэ

аслым. Быгатонъёс но луонлыкъёс инкуазь мыным трос сетэм вылэм,но чашъёнсяська

кадь чашйымон чебер усьтӥськыны кужмы тырмымтэ, уз но тырмы ни…» Таче йылпумъян

лэсьтэ Людмила Кутянова ортчем сюресэзлы, оло, сюресэзлэсь пумзэ шодэ?Но озьы ке

но , нимыз пыраклы кылиз удмурт литературалэн но литературатодослэн

историязы.Кылбуръёсыз берыктэмын трос кылъёсы. Коня чебересь кырзанъёсыз!

2-тӥ нуись Людмила Кутяновалэсь творчествозэ ӵошатыло Ашальчи Окиен, Анна

Ахматоваен, Марина Цветаеваен. В.Г.Пантелеева, кылбур тодосъёсъя кандидат , шуэ: «

Людмила Кутянова – со туж бадзым но мур кылбурчи , кыӵеосыз туж шер вордӥсько та

дунне вылэ, солэсь мурдалазэ мертаны асьмелэн быгатонлыкмы кема дыр ӵоже уз тырмы

ай.»

1-тӥ нуись Людмила Дмитриевна Кутяновалэн пӧртэм удысъёсын тыршемез пусъемын

«Удмурт Элькунысь лулчеберет удысысь дано ужась» нимын, со луиз Ашальчи Оки нимо

премилэн нырысетӥ лауреатэз.

Лыдӟись.

«Йырдэ кур эн кары , даур»

Йырдэ кур эн кары ,даур,

Тынад малпанэныд кем мон ой ул,

Тынад шумпотонэд ӧз бурдъя ке монэ,

Тынад куректонэд ӧз синвуаты ке.

Тон сеты вал дырдэ мыным

Ас улонме интыяны.

Тон висъя вал дырдэ мыным

Сюлэм яраосме бурмытыны.

Шуккиськыса лызэктылэм

Малпанъёсме йонатыны,

Йырдэ кур карытэк,

Тон сёты вал дырдэ мыным , даур.

Сюсьтылэз кысо. Катанчи ворсаське.

Уже кутэм литература

1.АрекееваС.Т., Пантелеева В.Г., Фёдорова Л.П., Шкляев А.Г. Удмурт литература:10-11-ти

класъёслы учебник.- Ижевск: Удмуртия, 2008.

2.Кутянова Л.Чагыресь пилемъёс.- Ижевск: Удмуртия, 1980.

3.Кутянова Л.Тон-асо:Кылбуръёс. –Ижевск: Удмуртия, 2010.

4.Кутянова Л.Д.Адямилы чеберлык ваем потэ/Л.Д.Кутянова;записала Г.Романова // Удмурт

дунне .-2003.

5.Удмурт литература : 11-ти класслы хрестоматия/ Дасяз В.Г. Пантелеева.- Ижевск:

Удмуртия.

6.Фёдорова Л.П. Удмурт нылкышно кылбуретлэн тулкымъёсыз.-Ижевск: Удмуртия, 2007.