"Стили речи даргинского литературного языка"

Автор: Алибекова Эльмира Мусаевна
Должность: учитель родного языка и литературы
Учебное заведение: МКОУ "СОШ №12"
Населённый пункт: город Избербаш, Республика Дагестан
Наименование материала: методическая разработка открытого урока
Тема: "Стили речи даргинского литературного языка"
Дата публикации: 25.04.2016







Вернуться назад       Перейти в раздел





Текстовая часть публикации


Муниципальное казенное общеобразовательное учреждение

«Средняя общеобразовательная школа №12»

Разработка открытого урока

в 9 классе

на тему:

«Стили речи родного

языка»
Учитель : Алибекова Э.М. Избербаш, 2015г.

Дарсла тема:
«Даргала литературный мезла стильти.»
Дарсла мурад:
1) 5-9 классуназир литературный мезла стильтачила касибси багьуди тикрарбарни. 2) даргала литературный мезличила, илала стильтачила, илди Пайдаладирниличила багьуди бедни, чинаб чиди стиль бузахъусил дурх1нази аргъахъни. Дурх1ни мурхьли пикрибик1ахъес бурсибарни. 3) дарган мезличи дурх1назир х1урмат, диги адикьни. Дурх1ни бурсибарес барх, саби-ургаб масъулти ирзахъес. Илди г1якьлу-дагьрилашал гьалабях1 арбукни.
Дарс г1еббурцути ваях1:
жуз,газета, журнал,ИКТ.
Дарсла план:
1) Дурх1ни дарсличи х1ядурбарни. 2) Белч1унси материал тикрарбарни. 3) Лексикалашалси разминка. 4) Сагаси тема бурни. 5) Сагаси тема кагахъни. 6) Творческий х1янчи. 7) Дарсла итог. Выводуни. 8) Хъули х1янчи бедни.
Дарсла башри:
1) Дурх1ни дарсличи х1ядурбарни: - Салам, ах1ерти дурх1ни! Бех1бирхьех1е нушала дарс. Ил,дила пикрили, х1ушаб пайдалабирар.Къайгъибарая багьуди касес. Журнал х1ясибли дурх1ни ахтардибирулра. Ишбарх1и нуша гъайдик1уси дарсла темаличила х1ушани гьачамра-сера ах1ен аргъибси.Х1ерая гьари суратличи. -Ишдигъунти палтарличил чина укьес вирара? - Ишдигъунти палтарлис се или иру?
-Чи шакикиба селичила гъайдик1ех1е нуша ибарх1ила дарсличир? (стильтачила) Х1ебиалли,дурх1ни, нуша ишбарх1и гъайдик1ех1е стильтачила,амма даргала литературный мезла стильтачила.Нушала дарсла тема саби: «Даргала литературный мезла стильти,» Дарсла эпиграфли детарар Д Свифтла дугьби: Дарсла эпиграфли детарар Д. Свифтла дугьби: «Г1яг1нити дугьби х1яжатси мерличир- ил саби стильла мяг1на.» -Дурх1ни,ишбарх1и нушани тикрарбирех1е 5-9 классуназиб касибси багьуди даргала литературный мезличила, илала стильтачила,касибси багьуди чеимц1абирех1е, пикридулхъех1е нушала гъайла культураличила. Дурх1ни, иш тема дебали мяг1ничебси саби, сенах1енну касибси багьуди х1ушаб г1ямрулизиб х1яжатбикес асубирар.
Дарс дурабурк1ех1е иш план х1ясибли :
1)Белч1унси материал тикрарбарни. 2)Лексикалашалси разминка 3)Сагаси темала чебкад х1янчи дураберк1ни. 4)Мозаика :» Янила сурат» 5)Творческий х1янчи. 6)Выводуни. Ахир. 7)Хъули х1янчи бедни. 2. Белч1унси материал тикрарбарни: - Гьари ,дурх1ни,ишбарх1илара арбякьунсира темаби дархдалсахъех1е. -Се сари мез?
-Селис г1яг1нити мез? -Дагъистайзир чумдех1 мез лера? - Чумдех1 мезличир белк1-белч1 дузахъулив? -Мурт ак1убтив даргала литературный мез? -Чинар дузахъулив даргала литературный мез? -Ишбарх1ила г1ямрулизиб ,хаслира шагьуртазиб, адамти дарган мезли гъайбик1улив? Сен?
Лексикалашалси разминка:

Дугьбачи синонимти пикридарая:
Вера Шадлихъ Х1янчи Кьаркьала Вебшес Дугьбачи антонимти пикридарая: Г1якьлукар Имц1али Вайси Ахъси Бицес, 3.Сагаси темаличил дурх1ни тянишбарни: Стилистика-мезла стильтачила гъайбик1уси г1илму.
Х1еръибх1ели литературный мез чинар дузахъулил,дек1ар- дек1арти журабачи дурт1у. Хъалибарглизи,юлдашунази гъайдик1ух1ели,нушани гъай ца жураличил ирех1е,собраниеличир- царх1ил жураличил.Илдигъунти журабас стильти бик1ар. Дек1ардиру
ирнила, къуллукъла, публицистикала, г1илмула,

художественный

Сагаси тема бурни:
-Дурх1ни,х1ушани дарган мез даладав? Къалабамадик1удая жаваб гес, сенах1енну ил дигахъу «мез далас»ибси мяг1нализибад. -Сецад дугьби лера дарган мезлизир? -Х1ушала пикрили,ца адамла сецада дугьбала хазна? -Се барес г1яг1ниси вег1ла дугьбала хазна чеимц1абарес? Гъай дузахъуси мер х1ясибли, пайдаладирути стильтала таблица чебиахъех1е:
Г
ъай дузахъуси мер стильти Хъулир,юлдашунази ирнила Учреждениебази адамти къуллукъла дугьабилзух1е Жамиг1ятличи дугьаилзух1ели публицистикала Г1илмулизиб г1илмула Гъайла пагьму чебиахъух1ели художественный Ирнила стиль .
Пайдалабиру: адамти саби-ургаб гъайбик1ух1ели

Мурад: пикруми,чедаибти,дакьибти дурни


Гьар барх1ила г1ямрулизир дузахъу.Халаси мяг1на бирар

мух1ли-някъла уюнтала.(ишарабала. Алав-гьалав кабиибтани

г1еббуцнила.)

Масала:
Салам! Наб анц1букьи саби. Рашигу шадир набчи! Х1ечил гъайрухъес дигулра Г1ях1си барх1и леб кьалли! Зяг1ипли ах1енрагу, Лех1ли руэс х1ерирус! Шут1ни-къянби леер дахъал.
Къуллукъла стиль.

Пайдалабиру:
адамти къуллукъла бег1тачи дугьабилзух1ели,учреждениеби цаличи ца яра х1янчизарти дугьабилзух1ели.
Мурад:
се-биалра ца адамла яра учреждениела шайзибад багьахъни.
Масала:
Г1ялиев Кьасумла шайзибад 12-ибил школала директорличи Г1ялиева Пат1имачи г1ярза . Сентябрьла шуличиб мекъ бирни багьандан, сентябрьла авличибад ца жумяг1лис багьа агарли отпуск тиладибирулра.
Дила тилади чарх1ебарахъили дигахъира. 03.09.2012д. Г1ялиев Кь. Публицистикала стиль. Пайдалабиру: чичи-биалра(лех1ихъутачи, буч1утачи) дугьаилзух1ели. Мурад: гъайли асарбарни. Дугьаизес вирар мух1лила гъайличил халкьла гьалав,телевизорлизивад.Амма вирар дугьаизес газетализи яра журналлизи, статья белк1и. Масала: «Мартла гъану цараличиб Избербашла халкьли г1ях1си шадибгьуни дураберк1иб.Илди гьунибаиб даргала г1яртистуначил. Илдани чедаахъиб анц1букьлуми, далуйти делч1ун…» Г1илмула стиль. Пайдалабиру: г1ялимтани х1янчурби лук1ух1ел (статья, доклад,жуз, диссертация ва ц.) Илизир хасти дугьби (терминти),учидяхъ предложениеби,урга- дугьби къаршидиркур. Масала: Текст- произведениела ца бут1а саби, сабира сари-ургар мяг1нализир ва грамматикалашал дархдасунти ца белгиси кьадарла предложениебазибад цах1набикибси. Художественный стиль. Пайдалабиру: гъайла пагьму чебиахъух1ели. Мурад: литературала произведениелизир чедаахъибти адамтала сипатуначил ва илдала пикрумачил буч1антачи асарбарни. Масала:
Р.Рашидов «Нешла мез.» Нешла мез дигес х1ейрар Х1ябкьяйличир ц1ализир, Я черях1кахъес х1ейрар Гьу дублар х1ябкьяйличир. Нешла мез кьарличил дарх Сагадик1ути сари, Чат1нала т1амрачил дарх Жагадик1ути сари. Нешла мез духъути сар Велг1усила гьеличил, Илди г1ек1есра х1ейрар Пачях1ла х1укмуличил. Нешла мезлизиб гьар дев Давлала г1иниз саби. Г1иниз амъурли бих1ес Нушачиб чебси саби. 4. Тема кагахъни: Дурх1ни, гьанна ,дила пикрили, х1ушани белгибарилра чина дуч1ес кадурхутирал, се х1янчи чеббурк1усил. Бурая гьари, чиди саниг1ятлизиб къаршибиркулив къуллукъла стиль? Публицистикала? Художественный? Мозаика « Янила сурат.»
Бурчех1е сурат. Х1ушани суалтас жавабти лугадая, сурат гьаргбирар. Х1ушала гьалар, столличир, схемаби лер, доскаличир чебаъла ваях1.( макьам зайбулхъан) Суалти: -Чиди стиль саби? 1)Гьала-гьала ункъли пикрибарили, гъай даргили г1ур лук1а( г1ярза, указ, акт ва ц.).Илдазир дугьби гьарси мяг1нализирцун дузахъу. Чусцун хасти дугьби дирар:нушала вяг1да х1ясибли,пикрилизи касили, тиладибирулра ва ц.(Къуллукъла) 2)Урк1и к1ант1ибик1ути дугьби, кесекуни,междометиеби,къант1ти предложениеби, жамиг1ятла г1ямруличил дархдасунти гъай къаршидиркур.Ил стильличил лук1а статья,очерк ва ц. (Публицистикала) 3)Лерилра-сера мезла г1яг1ниахълуми пайдаладиру, гъай чердирк1у. Ил стильличил лук1а роман,басня,драма,хабар.назму ва ц.(Художественный) 4) Хасти дугьби(терминти),урга-дугьби,халати учидяхъ предложениеби къаршидиркур.(Г1илмула) 5)Лебдеш-ли,-лис.лебдешуни.Лебси сек1ал, давла,хазна,баракат,мас,ваях1.Лебил лебдеш арбухиб. 5. Творческий х1янчи. Мезла стильтазирад алк1ули сари ирнила тях1яр- кьяйда.Х1ербирех1е мисал: К1ел гьалмагъла диалог: - Даргес х1ерируду наб к1идарш къуруш? - Х1ебалас чила дургутил? -Х1ези тиладибирулра.
-Нуни аргъира, набзи тиладибирни.Амма чила дургутив? Суал: Сен илдани цали цала мяг1на х1ергъулив? Пикридухъена ва жаваб х1ядурбарая. 6. Дарсла ахир: - Дурх1ни, г1ях1бизуру х1ушаб дарс? - Се аргъада х1ушани сагаси? - Сегъунти стильти къаршидиркулив даргала литературный мезлизир? Ункъли бузути дурх1ни гапбирулра,кьиматуни кадалтулра. 7. Хъули х1янчи бедни: гьарил стильличил мисалти делк1еная. Ситуация 1: Пат1и! Ва, Пат1и! Дядмарик1уд-дяд! Г1ек1или нергъли бужанра,рашен ишад! Ситуация 2 - Ишаб нуни х1ебалуси т1ярхъи агара! -Чинаба т1ярхъи? - Ишди лерилра т1ярхъуби ах1ену? -Хъулри вик1ен! -Хъулри диаб, т1ярхъуби диаб ! Cе дек1ардеша? Бек1 пикрибик1ахъен! Суал: сен гъайбик1утани мяг1на х1ергъулив? Чиди стиль саби? Ситуация 3